التجاوز إلى المحتوى
مكونات رولي الشفلور بالدجاج والجبن :
- رأس شفلور يعني القرنبيط او البروكلو
- بطاطا
- دجاج
- فلفل اكحل
- معدنوس
- زيدة
- زيت
- بصلة مرحية
- ثوم
- ملح
- فلفل اکحل
- كركم
- رأس الحانوت
- حمص
- شوية ماء
- الشابلور – خبز يابس مرحي
- ملعقه فرينة- طحين ابيض
- ثلاثة بيضات
- ورق الطهي
- جبن
- حمص
طريقة تحضير رولي الشفلور بالدجاج والجبن :
- نحتاج الى رأس شفلور ننظفها ونفورها مع البطاطا مع رشه الملح + فلفل اكحل ومعدنوس
- ومن جهه اخرى تحضر المرق
- نقليو الدجاج في شوية زيدة وزيت
- ثم نظيف بصلة مرحية وثوم +ملح + فلفل اکحل+ كركم +رأس الحانوت+ حمص
- ثم نمرق بشوية ماء ونخلي الدجاج يطيب
- بعد ما يفور الشفلور والبطاطا
- نسكرفجهم ونضيف ثلاثة ملاعق من الشابلور+ملعقه فرينة +ثلاثة بيضات و معدنوس+ فلفل اكحل+ملح
- نخلط كل المواد ثم ندهن ورق الطهي بالزبدة جيدا أو الزيت
- ونرشو فوقه بالشابلور باش مايلصقش
- نصب خليط الشفلور عليه ونسويه جيدا بملعقة
- وندخله الفرن يكون سخون من قبل حتى ينشف وياخذ اللون الذهبي
- ننزع الدجاج من المرق ونفتته
- بعدما ننزع الشفلور من الفرن نضع فوقه طبقة من الدجاج المفتت وطبقة من جبن السندويش
- ونرولوه بالشوية حتي ياخذ شكل الرولو كما هو موضح فالصورة
- نزينه بمربعات الجبن ونقدمه مع مرق الحمص شهية طيبة
