التجاوز إلى المحتوى
مكونات عجينة الصابلي السحرية :
- نقيس ب علبة الزبدة وزن 250 غ
- 250 غ مارغرين زبدة
- علبة غير أصبع سكر
- علبة غير أصبع زيت
- 3 حبات بيض
- قرصة ملح
- ملعقة لافاني
- نصف علبة مايزينة
- 1 خميرة الحلويات
- الفرينة
- كاوكاو محمص ومدشش
- قطايف محمصة
- كراميل
- شوكولا
- معجون المشمش
- ناكري ذهبي
طريقة تحضير عجينة الصابلي السحرية :
- نخلط بالباتور الزبدة والسكر والزيت والبيض مع رشة ملح وفانيليا حتى يصبح مزيج كريمي ابيض
- نضيف المايزينه والفرينة والخميرة مغربلين ونجمع بالاصابع
- نتحصل على عجين طري ترتاح 5د
- نبسط العجينة فوق نايلون بسمك نصف سنتيمتر ونطبع اي شكل حسب الرغبة
- النوع الثاني في مول السيليكون نوزن 30غ من العجين ونضغطها في المول
- ونضع في الصينية يطهى الصابلي في فرن ساخن مسبقا
- بعدما يبرد القاطو نلصق بالمعجون
- وعلى الاطراف معجون ونضعها في كاوكاو محمص و مدشش
- نزينها ب موتيف شوكولا والوسط كراميل
- الشكل الثاني الوردة نغمس الوجه في شوكولا بيضاء ثم نضع خط بالشوكولا السوداء
- ونعمل خطوط مثل العنكبوت والوسط معجون ممزوج ب منكه الفراولة
- الشكل الثالث قاطو السيليكون ندهنه بالمعجون
- نرمده في قطايف محمصة والوسط نضع الكراميل
- نزينه ب موتيف من الشوكولا بعدما صبغناه ب ناكري سائل ذهبي
- الشكل الاخير القلب بعدما نلصقوه بالمعجون
- نغمس نصفه بالشوكولا والنصف الاخر كاوكاو محمص مدشش
- نزينه بموتيف شوكولا
- ملاحظة : 250غ زبدة تصنعلك 60 حبة حوالي كيلو و 800غ
