التجاوز إلى المحتوى
مكونات صابلي التشاراك
- 250 غ مارغرين طرية
- نصف كأس زيت
- 4 حبات بيض
- نصف كأس سكر ناعم
- ملعقة صغيرة فانيلا
- كيس ونصف خميرة الحلوى
- 3 مغارف كبار نشاء
- نصف كأس كوكاو محمص مطحون
- فرينة
طريقة تحضير صابلي التشاراك
- في إناء نحط المارغرين والبيض والسكر الناعم والفانيلا وقرصة ملح
- نخلط جيدا حتى نتحصلو على كريمة نزيد النشاء 3 مغارف كبار
- ونخلط ممبعد نضيف نصف كأس زيت تدريجيا وفي نفس الوقت نخلط مليح
- هكا باش اومبعد العجينة مايخرحلناش منها زيت
- وكي نكمل نزيد نصف كأس كوكاو محمص مطحون ونخلط مليح
- ممبعد نجيب كمية تاع الفرينة مع كيس ونصف خميرة الحلوى
- ونبدا نضيف في الفرينة تدريجيا ونخلط بصباعتيا برك
- حتى نتحصلو على عجينة طرية بزيادة شوية { يعني درنا فيها الكوكاو والزيت دك تنشف ماتخافوهاش}.
- ممبعد نجيب العجينة تاعي ونقسمها على 55 كرية عادي
- وهنا لي عندها ميزان دير وزن الكرية حوالي 30 الى 33 غ هكاك ..
- ممبعد نجيب كرية نشكلها على شكل حربوش ممبعد نديرها بشكل هلال عادي
- نجيب سنيوة لي تدخل الفرن نحطهلها ورق الطهي وندخل الحبات تاوعي يطيبو من تحت
- ممبعد نشعللهم من فوق نخليهم يطيبو بصفورية برك ونحيهم
- كي نكمل ويبردو نبدا ف التزيين
- التزيين الأول
- درت قلاصاج شوكولا فريرو روشي
- درت الشوكولا على حمام مائي وزدتلها كوكاو محمص مرحي خشين شوية وخلطت وطليت الهلال تاعي
- التزيين التاني
- درت نصف بالشوكولا ونصف تاني دهنتو بشوية كونفيتير
- ورمدتو في الكوكاو المحمص المطحون لي كنت درتلو ملون غذائي أخضر
- التزيين الثالث
- نصف بشوكولا والنصف التاني دهنتو ب المربى ورمدتو ف نوات كوكو
- التزيين الاخير
- جلاصيتها بالشوكولا وزينتها ب رقاقة الذهب
