مكونات العجينة المورقة
- 1كيلو فرينة
- 500 غ زبدة توريق صالحة بدرجة حرارة الغرفة
- 2 إلى 4 ملاعق كبيرة خل أبيض
- كاس الا ربع زيت اي حوالي 11 ملعقة
- ملعقة صغيرة ملح
- ملعقة صغيرة سكر
- ماء بارد
طريقة تحضير العجينة المورقة
- في وعاء نضع الفرينة ، الملح ، السكر ، الزيت ونخلط.
- نلم الخليط بالماء حتي نتحصل على عجينة طرية ،
- نعجنها قليلا ثم نغطيها بمنشفة نظيفة ونتركها ترتاح ربع ساعة
- -نحل العجينة إما بالفرينة أو بالمايزينة رقيقة شوي وبشكل مستطيل.
- نضع مارغرين التوريق مبشورة فوق العجينة.
- -نرولي العجينة مثل رولي.. مع الضغط على الزبدة نتحصل على رولي نضغط عليه قليلا باليد
- -نحل العجينة بالطول. نطويها على 2 ثم 3.
- -نكرر العملية للمرة الثالثة .نحل العجينة ونطوي 2ثم 3نعاود نحلها من جديد ونطوي 2ثم 3.
- -نضع العجينة في الكيس الغذائي وندخلها إلى الثلاجة لمدة نصف ساعة .
- -تكرر العملي 4 مرات أو أكثر من أجل الحصول عل عجينة مورقة.
- أسرار العجين المورقة
- لازم تكون العجينة طرية مش يابس .
- -2كي تقطعو الأشكال أثناء الاستعمال ملازمش تكون رقيقة ..
- -3صفار البيض متخلوهش يسيح من الاطراف باش ميمنعهاش من الانتفاخ.
- -4أهم سر لازم دخلوها لفريجيدار ساعة كاملة قبل مطيبيها.
- -5لازم يكون الفور ساخن بزاف.
- -6مذابيكم ترشو صينية الفرن بقطرات الماء في الجوانب يساعدها البخار على طياب .
- -7 كي دخلو العجينة للفور وتشوفوها بدات تتورق يعني بعد 10 دقائق نقصو شوي للفور باش طيب من داخل في غرضها
- بالمعنى الواضح:
- السر نتاعها في : متتعجنش كي تبلوها اجمعو العجين فقط و ابداو التورييق ،
- لازم العجين والزبدة يكونو بنفس الطراوة
- لازم العجين يرتاح جيدا بين كل مرة تورقوها فيها،
- لازم ما تلصقش ديما رشوا الفرينة لأنها اذا تقطعت تخرجلكم الزبدة ومتنتفخش ،
- لازم الفور يكون سخون عل أقصى درجة وكي تشكلوهاخلوها تريح قبل الطياب وكي دخلوها فور نقصوا حتى 220 درجة و كي تنتفخ مليح نقصوه ل 140 درجةو خلوهاطيب مليح من داخل هذو هوما اسرار العجينة المورقة.
